Оммавий оферта
Yaqinda дастуридан фойдаланиш шартлари
26.10.2026 йилдаги таҳрир
1. Yaqinda нима
Yaqinda — Андижон вилоятидаги хизматлар каталоги: усталар, мардикорлар, клиникалар, дорихоналар, автосервислар, дўконлар ва бошқалар. Дастур хизмат кўрсатувчини топиш ва у билан боғланишга ёрдам беради. Yaqinda мижоз ва хизмат кўрсатувчи ўртасидаги келишувнинг томони эмас ва хизматни ўзи кўрсатмайди. Карта орқали тўлов танланса, пул литсензияли тўлов тизимида иш бажарилгунча ушлаб турилади (13-банд); нақд тўлов — томонларнинг ўзаро келишуви.
2. Мижозлар учун
Қидирув, харита ва ёрдамчидан бепул ва рўйхатдан ўтмасдан фойдаланиш мумкин. Сўров юборганингизда исмингиз ва телефонингизни ёзасиз — уларни сиз танлаган хизмат кўрсатувчи ва модератор кўради. Нарх, муддат ва иш сифатини хизмат кўрсатувчи билан бевосита келишасиз. Тўловдан олдин хизмат кўрсатувчини текширинг, нотаниш одамларга олдиндан пул берманг.
Шарҳни фақат бажарилган буюртма бўйича ёзиш мумкин. Шарҳ ҳалол бўлиши, ҳақорат, реклама ва бошқаларнинг шахсий маълумотларисиз ёзилиши керак; модератор уни эълон қилмаслиги мумкин.
3. Хизмат кўрсатувчилар ва бизнеслар учун
Жойлаштириш бепул. Киритилган маълумотларнинг (номи, хизматлар, нархлар, манзил, иш вақти, расмлар) тўғрилиги учун сиз жавобгарсиз. Расмлар ўзингизники бўлиши керак — бошқаларнинг расмини ёки интернетдаги суратларни ўз ишингиз сифатида қўйиш мумкин эмас. Профил модератор текширгач эълон қилинади.
“Тасдиқланган” белгиси фақат ҳужжат ёки жой ҳақиқатан текширилгандан кейин берилади ва олиб қўйилиши мумкин.
4. Тақиқланади
Ёлғон маълумот ва бошқа бировнинг профили; шарҳларни сотиб олиш ёки сохталаштириш; спам ва оммавий сўровлар; қонунга зид, хавфли ёки литсензиясиз тиббий хизматлар; ҳақорат ва фирибгарлик. Қоидани бузган профил ва шарҳлар огоҳлантиришсиз яширилади.
5. Очиқ манбадан олинган маълумотлар
Жойларнинг бир қисми очиқ манбалардан — OpenStreetMap (© OpenStreetMap ҳиссадорлари, ODbL литсензияси) ва Овертуре Мапс Фоундатион (СДЛА-Пермиссиве 2.0 литсензияси; манбалар: Мета, Мисрософт, Фоурсқуаре ва бошқалар) — олинган ва ноаниқ бўлиши мумкин. Жой эгаси “Бу менинг бизнесим” тугмаси орқали профилни ўз қўлига олиши ёки хато ҳақида хабар бериши мумкин.
6. Эълонлар, нарх таклифлари ва ёзишма
Иш, резюме ва уй-жой эълонлари модератор текширгач 30 кунга чиқади. Маклер (воситачи) ўзини маклер деб белгилаши шарт. Очиқ сўровга уста нарх таклиф қилади; мижоз таклифни танлагандагина унинг телефони ўша устага очилади.
Ёзишма фақат суҳбат иштирокчиларига кўринади. Хабарда карта рақами, олдиндан тўлов талаби, ҳақорат ва спам тақиқланади. Эгаси суҳбатни ёпиши мумкин. Жим қолган суҳбатлар 180 кундан кейин ўчирилади.
7. Пуллик кўтариш (ТОП ва ВИП)
Эълон ёки профилни рўйхат бошига кўтариш пуллик. Нарх ва муддат эгасининг бошқарув саҳифасида кўрсатилади. Кўтариш тўлов қабул қилингач ёқилади ва картада “ТОП” ёки “ВИП” белгиси билан реклама экани кўрсатилади. Кўтариш модератсия қоидаларини бекор қилмайди: қоидани бузган эълон ёки профил яширилади.
8. Фойдаланувчилар қўшган маълумот
Ҳар ким эгасиз жойга телефон, иш вақти, манзил ёки расм таклиф қилиши мумкин. Таклиф модератор текширгач қўшилади. Расм юборган одам унга ҳуқуқи борлигини ва уни Яқиндаъда кўрсатишга рози эканини тасдиқлайди. Расмларда одамларнинг юзи ва шахсий маълумот бўлмаслиги керак.
9. Телеграм бот
Телеграм ботга уланиш ихтиёрий. Бот хабарномалар юборади, бошқа телефонда кириш ҳаволасини беради ва Телеграм орқали юборилган рақам профил ёки эълондаги рақамга мос келса, “Рақам тасдиқланган” белгисини қўяди. Ботда /тохтат буйруғи уланишни бекор қилади.
10. Ҳисоб ва рақамни тасдиқлаш
Ҳисоб ихтиёрий: телефон рақами ва парол билан очилади ва профил, эълон, буюртма ва ёзишмаларни бошқа қурилмада ҳам очишга ёрдам беради. Профилда исм, расм, “ўзим ҳақимда” матни, Телеграм номи ва йўналиш (уста, бизнес эгаси, иш берувчи, кўчмас мулк эгаси, мижоз) кўрсатилиши мумкин. Рақам SMS код билан тасдиқланади; картадан тўлов ва ёзишмада нархга розилик учун тасдиқланган рақам талаб қилинади. Ҳисобни “Ҳисоб ва хавфсизлик” бўлимида ўчириш мумкин: сўровдан 14 кун ўтиб ўчади; ҳисобда пул ёки ҳимоядаги тўлов бўлса, аввал у якунланади.
11. Ёзишмадаги нарх таклифи
Уста, бизнес ёки эълон эгаси ёзишмада нарх таклиф қилиши мумкин. Мижоз “Розиман”ни босса, иккала томоннинг телефон рақами (ва Телеграм номи, агар кўрсатилган бўлса) суҳбатга ёзилади; уста ёки бизнес билан келишилганда шу нархли буюртма очилади. Розилик — томонлар ўртасидаги келишув, Yaqinda унинг томони эмас.
12. Мижозни баҳолаш
Буюртма бажарилгач уста мижозни 1–5 юлдуз билан баҳолаши ва “тўловни қилди” ёки “тўламади” деб белгилаши мумкин. Баҳо мижознинг телефон рақамига боғланади. Бошқа усталар фақат умумий натижани кўради: ўртача баҳо, нечта уста баҳолагани ва нечтаси “тўламади” дегани; ким баҳолагани кўрсатилмайди, ҳар уста — битта овоз. Мижоз ўз баҳоларини “Менинг баҳом” саҳифасида кўради ва 60 кун ичида эътироз билдириши мумкин; админ кўриб чиқиб, адолатсиз баҳони олиб ташлайди. Атайлаб ёлғон баҳо қўйган устанинг профили яширилиши мумкин.
13. Карта орқали ҳимояланган тўлов
Тўлов усулини мижоз танлайди: нақд (ўзаро келишув) ёки карта. Карта орқали тўловда пул литсензияли тўлов тизими (Payme, Click) орқали қабул қилинади ва иш бажарилгунча ушлаб турилади: мижоз “Иш бажарилди” деса ёки уста бажарилди деб белгилагач 72 соат ичида эътироз бўлмаса — устанинг шахсий ҳисобига ўтади; буюртма бекор бўлса — мижознинг шахсий ҳисобига қайтади; эътирозни админ ҳал қилади. Шахсий ҳисобдаги пулни исталган пайт картага ечиб олиш мумкин. Платформа комиссияси (белгиланган бўлса) устага ўтадиган суммадан ушланади. Карта маълумотларини тўлов тизими қайта ишлайди; Yaqinda тўлов картаси рақамини сақламайди.
14. Профил расми, матни ва шикоятлар
Профил расми ва матнида ҳақорат, беҳаё тасвир, бошқа одамнинг сурати ёки реклама бўлмаслиги керак. Усталар ёзишмадан профил устидан шикоят юбориши мумкин; админ қоидани бузган расм ёки матнни огоҳлантиришсиз ўчиради.
15. Жавобгарлик
Маълумотлар тўғри бўлишига ҳаракат қиламиз, лекин уларнинг тўлиқ ва долзарблигини кафолатламаймиз. Хизмат учун хизмат кўрсатувчи жавоб беради. Техник ишлар сабабли дастур вақтинча ишламаслиги мумкин.
16. Офертани қабул қилиш
Ушбу шартлар оммавий оферта ҳисобланади. Хизмат кўрсатувчи ёки бизнес рўйхатдан ўтиш формасида розилик белгисини қўйиб, профилни юборганида офертани тўлиқ ва сўзсиз қабул қилган (аксепт) ҳисобланади. Оферта билан бирга махфийлик сиёсати ҳам қабул қилинади. Розилик санаси ва шартлар таҳрири тизимда сақланади.
17. Ўзгаришлар ва алоқа
Шартлар янгиланиши мумкин; янги таҳрир шу саҳифада эълон қилинган пайтдан кучга киради. Савол ва шикоятлар — жой саҳифасидаги “Хабар беринг” ҳаволаси ёки сўров формаси орқали.